°¤°¤°¤°¤°¤° IMIK S IMIK °¤°¤°¤°¤°¤°

IMIK S IMIK
Imik s imik,
as a ittâr usdel f uzdim,
ig zund ighd yawit wadû ur at yadder yan.
Imik s imik,
as a nettawn I usawn lli yagh tgit a tudert,
nezzû gim ajeddig,
nessanf asennan.
mutegh am...
kmin lli izugn,tasutin ayad fellagh !!

rad am alsegh ddmin unamir
d uglid itthîn askiwn
d taghzent iccan tarwa nes,
rad amd awigh yugerten akm imatr
ill s a kem tesgerd
iwis ad dis tirirt ;
tarenawt... gh tukkâd n latlas.
gighen serm ;
tamazirt da tssikit,
tugdudt da imuten,
timelli udfel, ula tadêsa n wazzanen,
tarula inagan ; fad ur fin tugga nnesn,
zzelt n imerjan, turrut n ineflas,
ahâyk azegwagh d as tentelt tawerghi nnem.
rad am skugh taddart ur ilin anaw,
zegh ill ar win ill...
ssutelgh as igidar,
rad am skergh tameghra yufn tin imilcil ;
isli nnes igat iwim... immis tghwem am afus nnem,
nerkez gis nekni d taskiwin...
arkem nettalgh s mad izîlen gh tguriwin.
ass an da tlult ;
tarzzift nnem assagh nnem,
assagh nnem tiderfit... tamarayt n kuyan,
ksûdgh ad iyi tfelt,
rgelgh kmin gh ul inu
ssugh am tilila, ndelkem s tayâd ;
dlagh s ufra nem...